ilo sitelen, a handmade computer for Toki Pona

mi wile pali e seme?

ilo sona :computer: ale li wile toki kepeken toki Inli. ni li ike tawa mi. mi wile pali e ilo sona pi toki pona taso!

tenpo nanpa wan la mi toki e ni tawa mi: mi wile pali seme kepeken ilo mi?

jan Sate li pali e ilo nanpa . ilo nanpa li ken pali e nanpa pi toki pona. ilo ni li pona, musi kin!

mi pilin e ni: mi wile ken sitelen e toki mi kepeken ilo mi.

pilin ni la mi toki ala e ilo sona :computer: lon tenpo kama. mi toki e ilo sitelen! mi wile pali e ilo sitelen.

nasin sitelen

tenpo nanpa tu la mi pilin e ni: jan li sitelen toki pona kepeken supa nena seme?

toki pona li jo e nimi lili, e kalama lili. nena sitelen li ken lili sama!

ni li musi tawa mi. taso, mi pilin e ni - mi ken lili e ona!

mi pali e nasin sitelen“linja pi kute mute”. kepeken ona la jan li ken sitelen toki pona kepeken nena luka wan!

mi ken kepeken ilo ni kepeken luka wan taso! ni li pona!

ilo lawa en ilo lukin

mi esun e ilo lawa Wapewipi , e ilo lukin ni .

ilo lukin li pona - mi ken pana e sitelen tawa ona:

mi awen e ilo lawa lon monsi pi ilo lukin. o lukin e ona:

mi esun e supa nena lili ⌨️ . tenpo kama la mi ante mute e ona, mi pona mute e ona!

tenpo ni la mi jo e ijo ale. mi ken open e pali!

tenpo nena nanpa wan

supa nena li jo e nena sike. ni li ike tawa mi. mi tawa e nena ante tawa ona, mi pana e sitelen tawa supa ona:

ni li pona lili! ni la mi ken awen e pali!

sitelen pona

mi pilin e ni - mi wile sitelen lon sitelen pona. tan ni la mi sitelen e nimi ale pi toki pona:

mi pana e ilo pi nasin sitelen tawa ilo lawa (o lukin e ona lon kulupu Kitu ).

ni li musi kin! (ni li musi kin, li pali mute kin :sweat_smile: ).

taso, pali li pini ala pini? ala!

mi wile pona e ona:

  • mi wile pana e selo tawa ona.
  • mi wile pona e nena ona.

selo

ilo sitelen li pona kin, taso ona li jo ala e selo:

mi wile kama sona e ni: selo li ken seme? ni la mi pali e selo nasa kepeken poki mute:

ni li pona e mi.

jan Mitaluka li jo e palisa nanpa mute:

kepeken ona la mi kama sona e nanpa mute!

mi pana e nanpa ni tawa ilo pali Pusijonsisisi :

ilo ni li wawa kin, li pona kin. ona li pana e sitelen tu tawa mi:

tenpo ni la mi esun e lipu wawa mute.

mi pilin e ni: mi ken pali e selo pona kepeken ona.

taso, mi lukin pali e selo kepeken ona, la pakala mute li lon:

mi kama sona e wile pi lipu wawa a a a!

taso, tenpo nanpa tu la ale li pona.

tenpo ni la ilo selo li pini ala pini? ala!

ma noka pi ilo lukin la ala li lon. mi wile e ni: nimi pi ilo ni li lon ma ni. mi esun e sitelen nimi tan esun Sitema .

ona li kama lon tomo mi, la mi pana e ona lon noka pi ilo lukin:

ona li pona tawa mi. selo li pini. pona kin!

nena

nena ni li ike lili tawa mi:

mi wile pona e ona. taso, kepeken nasin seme?

mi esun e lipu ni:

mi ken pana e sitelen tawa nena.

taso ni li ike. mi ken weka e sitelen tan nena kepeken luka mi:

mi wile jo e nena pona. taso, kepeken nasin seme?

jan Talamasa mi li toki e ni tawa mi: “mi jo e ilo pi pali kiwen . ( ilo ni li ken pali e kiwen tan telo ) ilo ni li ken pali e nena! sina pana e lawa nena tawa mi, la mi pali e nena.”

mi kepeken lawa nena tan jan ante. kepeken ona la mi ken pali e lawa pi nena mi:

mi pana e lawa ni tawa jan pona mi. ona li pali e ona, li pana e ona tawa mi:

ona li pona lukin! mi weka e palisa tan ona. mi pana e ona tawa ilo sitelen:

mi pilin e ni: nena pi kule wan taso li pona lili taso. mi wile pana e kula tawa ona!

mi pana e kula tawa ona kepeken palisa pimeja :

nasin kule ni li seme?

tenpo nanpa wan la mi pimeja ale e poki nena sewi:

tenpo nanpa wan la mi weka e ona kepeken lipu pi telo nasa. taso pimeja li awen lon lupa:

taso pimeja li lon lon lupa li awen :) ni li pona lukin tawa mi. mi pimeja e nena ala kepeken nasin ni:

mi pana e ona tawa supa nena, la pali li kama pini. pali pi ilo sitelen li pini!

ilo sitelen li pini!

ilo ni li pona kin tawa mi. mi kepeken ona lon tenpo suno ale.

tenpo ni la sina sona e ni: pali pi ilo ni li pali mute. mi wile ala pali e ilo sitelen mute!

pona suli tawa jan Talamasa , tawa jan Mitaluka . ona li pona mute e pali mi, li pana e sona mute tawa mi. pona tawa ona!

我来评几句
登录后评论

已发表评论数()

相关站点

+订阅
热门文章